تا بلوهات الزيت

في الغالب بتكون مناظر طبيعية زي مناظر الغابات والفازات والأشخاص والفواكه.
وطبعا أحجام التابلوهات دي بتختلف على حسب المكان اللي هيتم وضعها فيه.. لو إحنا عندنا ريسبشن فيه حوائط كتير ممكن حيطة يكون فيها تابلوه كبير وحيطة تانية فيها مجموعة صغيرة من التابلوهات مش ضروروي يكونوا جنب بعض، ويترصوا بطريقة عشوائية، وممكن يكون لهم كلهم تيمة معينة عن الغابات مثلا أو الأشخاص، وممكن التابلوه الكبير يكون موضوعه مختلف تماماً عنهم وفي الغالب تابلوهات الزيت دي بتاخد الطابع الفرنسي فيستحسن البراويز بتاعتها تكون واخدة الإستيل الفرنساوي يعني يكون فيها "أويمة" ومدهّبة.
وعلى فكرة تابلوهات الزيت بتليق قوي على العفش المودرن.
كلمة سيرما دي كلمة تركي، ومن أشهر أنواع السيرما هي السيرما التركي والتونسي والهندي.
ودي بتتميز باللون النبيتي الداكن أو الموف أو البني، وبتكون كلها مشغولة بالخيوط الدهبية، ومن أشهر التطريز اللي عليها تطريز شكل الجامع، وبتكون مصنوعة من القطيفة ودي ممكن نبروزها ببرواز دهبي يكون سادة مفيهوش أي شغل.
وهي بتتميز باللون الأبيض والروز والسيمون وبتميزها الأسلاك الدهبي أو الفضي، وأشهر الرسومات اللي بتكون فيها هي الطيور والورود.

وبتكون مصنوعة من الحرير أو الستان، ويفضل إن البرواز الخاص بها يكون دهبي أو فضي على حسب لون الشغل.
بتكون مصنوعة من القطيفة السوداء أو النبيتي الغامق وبتكون مشغولة برضه بالأسلاك الدهبية وأشهر رسوماتها رسمة الطاووس وبوكيه الورد، ودايما بيكون شغلها تقيل علشان كده يستحسن إننا نشدها على شاسيه خشب من غير برواز.
ودي بتعتبر من أكتر أنواع السيرما اللي فيها كثافة من الشغل فبتكون مشغولة من الترتر، وبتتميز برسمة الفيل والتنين وبتكون مطعمة ببعض من الفصوص أو الأحجار شبه الكريمة، أيضا يفضل شدها على شاسيه بدون برواز.

كل أنواع السيرما دي بتليق أكتر على المنزل الكلاسيكي، وعلى فكرة مبتكونش مرتبطة بالصالون فممكن نحطها فوق السرير ويستحسن إن البيت يكون فيه سيرما واحدة بلاش كذا واحدة؛ لأن كثرتها بتدي شكل مش لطيف؛ لأن الشغل فيها بيكون كتير قوي.

هي لوحات بتكون مرسومة بتكنيك معين، في الغالب بيكون لونها أبيض وأسود، وبتكون شبه الرسومات اللي مرسومة بألوان الفحم، ومن أهم مميزاتها إنها بتليق على العفش الكلاسيك والمودرن.
وهي بتكون ذو طابع فرنسي في الغالب أحجامها بتكون كبيرة وطبعا بتليق مع العفش الفرنساوي.
على فكرة بقى ناس كتير متخيلة إن الأوبيسون عبارة عن قماش تنجيد فقط أو سجاجيد، وده مش مضبوط؛ لأن الأوبيسون أول ما بدأ الفرنساويين ينتجوه كان عبارة عن معلقات تجسد المعارك الحربية اللي بينتصر فيها الشعب الفرنسي وعلى فكرة أول ناس بدأوا يعملوا غرزة الأوبيسون هما الراهبات في مصر في القرن الرابع الميلادي وكانت أول لوحة مصنوعة من الأوبيسون اسمها "الزمار" وموجودة في المتحف القبطي.